Idazleak berak, Marco Antonio Calvo Rosek, helarazi digu Liburutegi Nagusira bere lehen eleberriaren ale bat: INVICTO. Admiral One Leg-en bizitza eta bere garaia, XVIII. mendean Ingalaterrako desegigo handiena eragin zuen euskalduna.
Jatorriz Portugaletekoa eta Santurtzin bizi den idazle honen zaletasunak itsasoa, historia eta eleberri historikoak dira. Eta zaletasun hauen ondorioz, urteetan ibili da protagonista nagusiari eta bere garaiari buruzko datuak biltzeko lan sakona egiten, eleberri historiko hau idaztera eraman duen pasioa sortu zaiolarik. Eleberriaren helburua Blas de Lezori ( 1989an James Michenerrek idatzi zuen Caribbean izeneko eleberrian Admiral One Leg deitutakoa) omenaldia egitea da.
Irudiaren iturria:
https://es.wikipedia.org/wiki/Blas_de_Lezo
Ez dizuegu Gipuzkoako itsasgizon honen bizitza kontatuko, baina Indietako Cartagenan egin zuen defentsak Ingalaterrako desegigo handiena ekarri zuen, Espainiako historia militarreko izen handienetako bat bilakatuz. Historia… Martín de Izak konta dezala…
Maileguan hartzeko prest.
Liburutegi Nagusia
Bolintxi 